Osasun sailak emandako datuen arabera, 6.606 test diagnostiko egin zituzten atzo, eta horietatik 347 (%5,3) positiboak izan ziren. Gipuzkoan, 130 positibo atzeman zituzten, tartean, 15 Tolosaldekoak.
Tolosak (166) eta Amasa-Villabonak (67) kolore horian jarraitzen dute, azken hamabost eguneko intzidentzia tasari dagokionez. Aipatzekoa da, hala ere, azken orduetan ia 70 puntu egin duela gora inzidentzia-tasak Tolosan.
Bestalde, COVIDaren ondorioz 32 pertsona ospitaleratu zituzten atzo, orotara, 266 pertsona daude Gipuzkoa, Bizkaia eta Arabako ospitaleetan, eta COVIDa duten 81 pertsona daude ZIUn.