Koronabirusa

14 positibo ostegunetik igandera

Tolosan 8, Amezketan eta Amasa-Villabonan bina eta Berastegin eta Zizurkilen positibo bana atzeman dituzte.

Osasun sailak emandako datuen arabera, 4.830 test diagnostiko egin zituzten atzo, eta horietatik, 298 (%6,2) positiboak izan ziren. Gipuzkoan, 94 positibo atzeman zituzten, tartean, 6 Tolosaldekoak. Tolosak (98) eta Amasa-Villabonak (67) kolore horian jarraitzen dute, azken hamabost eguneko intzidentzia tasari dagokionez.

Bestalde, COVIDaren ondorioz 31 pertsona ospitaleratu zituzten atzo, orotara, 288 pertsona daude Gipuzkoa, Bizkaia eta Arabako ospitaleetan, eta COVIDa duten 83 pertsona daude ZIUn.

Aurreko egunei begira, larunbatean 4.374 test diagnostiko egin zituzten, eta 226 (%5,2) izan ziren positiboak. Tolosaldean, 5 positibo izan ziren. Ostiralean, 3.686 test egin zituzten, eta 228 (%6,2) izan ziren positiboak, tartean, Tolosaldeko bat. Ostegunean, berriz, 7.355 test egin zituzten, eta 410 (%5,6) positibo atzeman zituzten. Tolosaldean bi positibo izan ziren.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!