Osasun sailak emandako datuen arabera, 9.579 test diagnostiko egin zituzten atzo, eta horietatik 473 positiboak izan ziren. Gipuzkoan, 184 izan ziren positiboak, tartean, Tolosaldeko lau. Azken hamabost eguneko intzidentzia tasari dagokionez, Amasa-Villabonak eta Tolosak kolore horian jarraitzen dute.
Ospitaleen egoerari dagokionez, COVIDaren ondorioz 38 pertsona ospitaleratu ziren atzo eta COVIDa duten 86 pertsona ZIUn daude.