Osasun egoeraren bilakaera aztertzeko eginiko LABI bileran neurri berriak adostu dituzte. Neurri horien arabera, Eguberrietako egun seinalatuetan tabernak, jatetxeak nahiz dendak 18:00etarako itxi beharko dituzte, eta abenduaren 25ean eta urtarrilaren 1ean dendak eta ostatuak ezingo dira 09:00ak baino lehen zabaldu.
Bestalde, familia bilkurak 10 laguneko muga izatetik 6 laguneko muga izatera pasa dira Urtezahar gauean. Gabon gauean hamar pertsona elkartu ahalko dira gehienez.
Eguberrietako ospakizun egunetan etxeratze agindua 01:30erako ezarrita bazegoen ere, ordubete aurreratzea erabaki dute, eta 12:30erako etxean egon beharko da.
Gipuzkoa, Bizkaia nahiz Arabako konfinamendu perimetralari dagokionez, abenduaren 23tik 26ra eta abenduaren 31tik urtarrilaren 1era bitartean altxatu egingo da.