Aurtengo urtea oso berezia izan da Saiaz Gizarte Zerbitzuen Mankomunitatea osatzen dutenentzat, baina aldi berean, "pandemiaren iluntasunak argiune asko eman dizkigu" adierazi dute.
"Osasun zerbitzuak eskura izan ditugu, beharren araberako neurriak hartuz eta lagunduz. Herrietan farmaziarik ez izatea ez da arazo bihurtu", azaldu dute mankomunitatetik, eta kehengaiak hornitzen saiatu direla, "egoerarik okerrenetan etxera eramanez".
Zaintzari begira jarrita, "etxeetako bakardadea ahazten lagundu dugu, unean uneko deiak egin, laguntzak eskaini eta bakoitzak behar zuen eskua ematen saiatu gara". Horretarako ere, sdinekoen dinamizazio programa kudeatu dituzte.
Familiak, haurrak, gaztetxoak…ere kontuan izan dituzte, eta hiru eskolekin ere gertuko harremana izan dute.
Urte honetan ere, beste gai garrantzitsutzat emakumeak izan dituzte: "Emakumeek pairatzen duten bazterkeriari aurre egin zaio eta garbi geratu da zaintza lanetan duten ardura. Baita etorkinena ere".
Laguntza sareak balioan jarri eta zabaldu dituzte: "Herritarrak elkartu eta gune ezberdinak sortzeak zein garrantzi duen jabetu gara", esan dute Saiazetik.
Aurrera begira ere, "elkar zaintzen eta elkarrekin bizitzen jarraituko dugu", azpimarratu dute.