Osasun sailak emandako datuen arabera, 13.165 test diagnostiko egin zituzten atzo, eta horietatik 582 positiboak izan ziren. Gipuzkoan, 243 atzeman zituzten, tartean, 2 Tolosaldean. Azken hamabost eguneko intzidentzia tasari begiratuta, Tolosa (166) eta Amasa-Villabonak (237) kolore horian jarraitzen dute.
Ospitaleen egoerari dagokionez, COVIDaren ondorioz 58 pertsona ospitaleratu zituzten atzo, orotara, 344 pertsona daude Gipuzkoa, Bizkaia eta Arabako ospitaleetan, eta COVIDa duten 99 pertsona ZIUn daude.
Bestalde, abenduaren 7tik 13ra bitartean COVID-aren ondorioz 99 hildako izan direla adierazi du Osasun sailak.