Osasun sailak emandako datuen arabera, 5.542 test diagnostiko egin zituzten atzo, eta horietatik 336 (%6,1) positiboak izan ziren. Gipuzkoan 115 atzeman zituzten, tartean, 7 Tolosaldekoak.
Larunbatean 7.695 test egin zituzten eta positiboak 464 (%6,0) izan ziren. Larunbatean Tolosaldean 6 positibo atzeman zituzten, Anoetan 2 eta Alegian, Tolosan, Amasa-Villabona eta Zizurkilen bana. Ostiralean, berriz, 8.783 proba egin zituzten eta 636 (%7,2) izan ziren positiboak. Tolosaldearen kasuan, 14 positibo atzeman zituzten ostiralean, Anoetan 6, Adunan 4 eta Alegian, Gaztelun, Iruran eta Tolosan bana.
Ospitaleen egoerari dagokionez, COVIDaren ondorioz 26 pertsona ospitaleratu zituzten atzo, orotara 375 pertsona daude Gipuzkoa, Bizkaia eta Arabako ospitaleetan, eta COVIDa duten 112 pertsona daude ZIUn.