Osasun sailak emandako datuen arabera, 10.656 test diagnostiko egin zituzten atzo, eta horietatik 597 (%5.6) positiboak izan ziren. Gipuzkoan 243 atzeman zituzten, tartean, 13 Tolosaldean.
Azken hamabost eguneko intzidentzia tasari dagokionez, Tolosak kolore horian jarraitzen du, 275,04eko tasarekin. Amasa-Villabona berriz, horitik laranjara pasatu da, 304,77ko tasarekin. Osasun eremuei dagokienez, Tolosaldeko OSIa horian dago, eta baita Alegia, Ibarra, Villabona eta Tolosako osasun eremuak ere.
Ospitaleen egoerari dagokionez, COVIDaren ondorioz 65 pertsona ospitaleratu zituzten atzo, orotara 406 pertsona daude Gipuzkoa, Bizkaia eta Arabako ospitaleetan, eta COVIDa duten 117 pertsona daude ZIUn.