Osasun sailak emandako datuen arabera, 8.234 test diagnostiko egin zituzten atzo, eta horietatik 450 positiboak izan ziren. Gipuzkoan 143 atzeman zituzten, tartean, 11 Tolosaldean.
Azken hamabost eguneko intzidentzia tasari dagokionez, Tolosak laranja kolorean jarraitzen du, 306ko tasarekin, eta Amasa-Villabona kolore horiz ageri da, 270eko tasarekin. Osasun eremuei dagokienez, Tolosaldeko OSIa, Alegia, Tolosa eta Villabonako eremuak horiz ageri dira, eta Ibarrako osasun eremua laranjaz.
Ospitaleen egoerari dagokionez, COVIDaren ondorioz 38 pertsona ospitaleratu zituzten atzo, orotara 388 pertsona daude Gipuzkoa, Bizkaia eta Arabako ospitaleetan, eta 25 pertsona daude ZIUn.
Bestalde, azaroaren 30etik abenduaren 6ra bitarte, 76 hildako egon direla adierazi du Osasun sailak.