Osasun sailak emandako datuen arabera, 6.616 proba diagnostiko egin zituzten atzo, eta 369 positibo izan ziren ( % 5,6). Gipuzkoan 145 atzeman zituzten, tartean, 8 Tolosaldean. Hain justu, Alegian 5 positibo atzeman zituzten eta Anoetan, Ibarran eta Tolosan bana. Tolosak kolore laranjarekin jarraitzen du azken hamabost eguneko intzidentziari begira, 332ko tasarekin. Amasa-Villabona, berriz, kolore horian dago, 186rekin.
Tolosaldeko OSIa kolore horian dago, Alegiako eta Villabonako osasun eremuak bezala. Ibarra eta Tolosako osasun eremuek kolore laranjarekin jarraitzen dute.
Ospitaleen egoerari dagokionez, atzo 59 pertsona ospitaleratu zituzten, orotara 383 pertsona daude COVIDarekin Gipuzkoa, Bizkaia eta Arabako ospitaleetan eta 128 pertsona daude gaur egun ZIUetan.