Azaroan Espainiako Txapelketa bertan behera utzi ondoren, asteburu honetarako Trinketeko Espainiako Kopa antolatu zuen Espainiako Pilota Federazioak. Horrela, eskualdeko bi pilotariek eskura izan zuten garaipena, atzo, Iruñeko Mendillorri trinketean jokatutako finaletan.
Eneko Maizek bi setetan garaitu zuen Koldo Gil nafarra, eskuz banakako finalean: 15-12 eta 15-10. Iaz, azpitxapeldun izan zen Maiz, Pauen jokatu zen Munduko Kopan.
Bestetik, xareari dagokionez, Joxi Lopetegi irurarrak, Joanes Arrosagaray (Grabniko txapelduna) bikote zuela, Julen Apeztegia herrikidearen eta Sebastian Moncadaren aurka jokatu zuten finala. Azkenean, Lopetegi eta Arrosagaray txapeldun: 15-9, 5-15 eta 10-2.