Osasun sailak emandako datuen arabera, 9.656 test diagnostiko egin zituzten atzo, eta horietatik 632 positiboak izan ziren. Gipuzkoan 241 atzeman zituzten, tartean, 17 Tolosaldean. Amasa-Villabona kolore laranjan egotetik, horira pasa da, 270eko intzidentzia tasarekin. Tolosak, berriz, laranjaz jarraitzen du, 415eko tasarekin.
Ospitaleen egoerari dagokionez, COVIDaren ondorioz 32 pertsona ospitaleratu zituzten atzo, orotara 337 pertsona daude EAEko ospitaleetan eta 127 pertsona daude ZIUn.