Irudi bitxiak utzi ditu 2020ko buruz buruko finalak; harmailetan enpresetako arduradunak eta kazetariak nagusi, artekaririk ez, txarteldegia hutsik...
Pilota final bizia izan da, baina ez du zaleen eta pilotarien senitarteko zein lagunen berotasunik izan. Burrunba izaten da nagusi final guztietan, baina aurtengoan pilota kolpeak inoiz baino gehiago entzun ahal izan dira.
Ezohiko irudiak utzi ditu buruz burukoak, baina pilotazaleek ez dute kale egin, eta eskualdean pilotarien aldeko mezuak ikusi ahal izan dira; kaleak, berriz, hutsik egon dira partidak irauten zuen bitartean.
FINALAZ ARIKO DIRA BIHAR GOIZEKO 'PASAHITZA'-N
Ataria Irratia Bilboko Bizkaia frontoian izan da gaur eta bertan jasotako erreakzio eta iritzi guztiei tokia egingo die biharko Pasahitza saioan. 09:00etatik 13:00etara protagonisten hitzak eta bertan bizitako giroaren berri emango du Asier Imaz esatariak, pilotan aditua den Xalton Zabalaren laguntzarekin.
