Osasun sailak emandako datuen arabera, 11.233 test diagnostiko egin zituzten atzo, eta, horietatik 624 (%5,6) positiboak izan ziren. Gipuzkoan 307 positibo atzeman zituzten (%0,71), eta 14 Tolosaldean; 8 Tolosan, 4 Ibarran eta bana Iruran eta Amasa-Villabonan.
Amasa-Villabonak (626) eta Tolosak (617) gorriz jarraitzen dute, Tolosaldeko ESIak (589) eta Alegia, Ibarra, Tolosa eta Villabonako osasun eremuak bezala.
Hezkuntza sailak bere aldetik ikastetxeei buruzko datuak eguneratu ditu eta esan du une honetan aurrez aurreko eskola jarduera etenda duen ikastetxe bakarra Iruraiz-Gaunako (Araba) CPEIPS Geroa Waldorf Eskola HLBHIP dela. Guztira 69 ikastetxetako 110 ikasgela daude itxita, era berean. Euskal hezkuntza sistemaren barruan 17.554 ikasgela daude 2 urtetik unibertsitatez kanpoko derrigorrezko hezkuntza ondoko mailetaraino eta itxitako ikasgelen kopurua ikasgela guztien % 0,63 da.