Osasun sailak emandako datuen arabera, 10.881 test diagnostiko egin zituzten atzo, eta, horietatik 666 (%6,1) positiboak izan ziren. Gipuzkoan 288 positibo atzeman zituzten, eta 9 Tolosaldean.
Amasa-Villabonak (677) eta Tolosak (659) gorriz jarraitzen dute, Tolosaldeko ESIak eta Alegia, Ibarra, Tolosa eta Villabonako osasun eremuak bezala.
Ospitaleen egoerari dagokionez, COVIDaren ondorioz 57 pertsona ospitaleratu zituzten atzo, orotara 403 pertsona daude EAEko ospitaleetan, eta COVIDa duten 134 pertsona daude ZIUn.