Indarkeria Matxistaren Aurkako Eguna 2020

Eskolako haurretatik hasiko dira indarkeria matxista lantzen

Tolosaldeko Ataria 2020ko aza. 24a, 07:59
Iaz Indarkeria Matxistaren Aurkako egunean Bidanian eginiko ekimen bateko irudia.

Indarkeria Matxistaren aurka egiteko herriko umeetatik hasiko dira gaia lantzen Albizturren eta Bidania-Goiatzen. Saiaz Gizarte Zerbitzu Mankomunitateak, Albiztur eta Bidania-Goiazko eskolek eta Matraka emakume taldeak antolatuta.

Bihar da Indarkeria Matxistaren Aurkako nazioarteko eguna, eta Bidania-Goiatzen eta Albizturren ere gaia gizarteratu eta mahai gainean jarriz hausnartuko dute. Protestarik ere ez da faltako.

Bihar, hilak 25, Albizturren eskolan egingo dute indarkeria matxistaren gaineko lanketa bai guraso eta baita haurrekin ere. Gurasoekin, indarkeria jasaten duten adineko emakumeen testigantza errealak dituen  bideoa ikusi eta aztertuko dute, eta haurrekin, berriz, indarkeria eta gazteak izango dute hizketarako gaia, Egunon printzesa bideoarekin.

Egun berean, Bidania-Goiatzen ere txikienetatik hasiko dira gaia eta egoerak mahai gainean jartzen. Txinkorta eskolan, Ahozko biolentzia landuko dute, Tximeletaren belarriak ipuinarekin irainak eta bertute positiboak landuz.

Behin kalera aterata, Bidania-Goiatzen kaleratze zaratatsua egingo dute, 19:00etan, emakumeen kontrako indarkeria salatzeko. Frontoi aurrean elkartuko dira, eta bakoitzak zerbait morea eta zarata egiteko gailua eraman beharko du. Matraka elkarteak oihal more handian mozorroa margotu eta zabalduko du.

Guzti hau, Saiaz Gizarte Zerbitzu Mankomunitateak, Albiztur eta Bidania-Goiazko eskolek eta Matraka emakume taldeak antolatu du beste eragile batzuekin batera.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!