Tolosan 12, Zizurkilen 3, Ikaztegietan eta Amasa-Villabonan bina eta Anoetan, Asteasun, Berastegin eta Ibarran positibo bana atzeman dituzte.
Osasun sailak emandako datuen arabera, 14.391 test diagnostiko egin zituzten atzo, eta horietatik 935 (%6,5) positiboak izan ziren. Gipuzkoan, 407 positibo atzeman dituzte, tartean, 23 Tolosaldekoak.
Amasa-Villabonak (1.168) eta Tolosak (861) gorriz jarraitzen dute, eta baita Tolosaldeko ESIak eta Alegia, Ibarra, Tolosa eta Villabonako osasun eremuek ere.
Ospitaleen egoerari dagokionez, COVIDaren ondorioz 62 pertsona ospitaleratu zituzten atzo, orotara 475 pertsona daude EAEko ospitaleetan, eta COVIDa duten 135 pertsona daude ZIUn.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
