"Indarkeria matxistaren aurrean autodefentsa saretu" lelopean egingo dira aurten azaroaren 25aren ingurukoak. Ekitaldiak iragartzeko kartela eskualdeko herri ezberdinetan ateratako argazkiekin osatuko dute.
Azaroaren 20an, 18:30ean Joxe Arregi plazan eta 19:00etan Villabonako Berdura plazan eta Asteasuko plazan jarri dituzte hitzorduak argazkiak egiteko.
Azaroaren 25ean elkarretaratzea egingo du Aiztondoko Mugimendu Feministak Villabona eta Zizurkil lotzen dituen Zubimusu zubian. 19:00etan egingo dute, osasun egoerak baimentzen duen neurrian.