Osasun sailak emandako datuen arabera, 17.890 test diagnostiko egin zituzten atzo, eta horietatik, 1.401 (%7,8) positiboak izan ziren. 569 Gipuzkoan atzeman ziren, tartean, 42 Tolosaldean. Amasa-Villabonak (1.540) eta Tolosak (897) gorriz jarraitzen dute, azken hamabost eguneko intzidentzia tasa kontuan hartuta 500etik gora baitaude. Halaber, Tolosaldeko ESIak (952) eta Alegia, Ibarra, Tolosa eta Villabonako osasun eremuek goriz jarraitzen dute.
Ospitaleen egoerari dagokionez, COVID-19a duten 133 pertsona ZIUn daude. Bestalde, azaroaren 02tik 08ra bitartean COVIDaren ondorioz 73 hildako izan zirela adierazi du Osasun sailak.