Tolosan 16, Amasa-Villabonan 6, Anoetan 5, Asteasun eta Zizurkilen bina eta Alegia, Alkiza, Berrobi, Gaztelu eta Lizartzan positibo bana atzeman dituzte.
Osasun sailak emandako datuen arabera, 14.039 test diagnostiko egin ziren atzo, eta horietatik 1.310 positiboak izan ziren. 552 Gipuzkoan atzeman ziren, tartean, 36 Tolosaldean.
Amasa-Villabonak (1.574) eta Tolosak (934) gorriz jarraitzen dute, azken 15 eguneko intzidentzia tasa kontuan hartuta. Tolosaldeko ESIak (961) nahiz Alegia, Ibarra, Tolosa eta Villabonako eremuek gorriz jarraitzen dute.
Ospitaleen egoerari dagokionez, COVID-19aren ondorioz 91 pertsona ospitaleratu ziren atzo, orotara 518 pertsona daude ospitaleetan, eta 135 pertsona daude ZIUn.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
