Osasun Sailak emandako datuen arabera, 12.037 test diagnostiko egin ziren atzo, eta horietatik 1.178 (%9,8) positiboak izan ziren. Larunbatean 12.049 test egin zituzten eta 1.245 (%10,3) positiboak izan ziren eta ostiralean, berriz, 14.412 test egin ziren eta 1.444 (%10) izan ziren positiboak.
Azken eguneko datuei dagokienez, 478 positibo izan ziren Gipuzkoan, tartean, 14 eskualdekoak. Amasa-Villabonak (1.490) eta Tolosak (902) gorriz jarraitzen dute. Baita, Tolosaldeko ESIak (981) eta Alegia, Ibarra, Tolosa eta Villabonako osasun eremuak ere.
Ospitaleen egoerari dagokionez, COVID-19aren ondorioz 37 pertsona ospitaleratu zituzten atzo, orotara 508 pertsona daude EAEko ospitaleetan eta 130 pertsona ZIUn daude.