Osasun sailak emandako datuen arabera, 14.668 test diagnostiko egin zituzten atzo, eta horietatik, 1.461 positiboak izan ziren. 671 Gipuzkoan atzeman zituzten, tartean, 35 Tolosaldean.
Amasa-Villabonak (1.117) eta Tolosa (980) gorriz jarraitzen dute, azken hamabost eguneko intzidentzia tasari dagokionez. Beste aldean, Baliarrain, Larraul, Orendain eta Orexa daude, ez baitute positiborik izan.
Osasun eremuei dagokienez, Tolosaldeko ESIak (1.057) gorriz jarraitzen du, eta baita, Alegia, Ibarra, Villabona eta Tolosako osasun eremuek ere.
Ospitaleen egoerari dagokionez, COVID-19aren ondorioz 76 pertsona ospitaleratu ziren atzo, orotara 462 pertsona daude ospitaleetan, eta 111 pertsona daude ZIUn.
Ikastetxeei dagokienez, ez dago aurrez aurreko jarduera etenda duen ikastetxerik EAEn. Orotara, 149 ikasgela daude itxita,96 ikastetxetan.