Osasun sailak emandako datuen arabera, 11.886 test diagnostiko egin ziren atzo, eta horietatik 1.120 (%9,4) positiboak izan ziren. 490 atzeman ziren Gipuzkoan, tartean, 19 Tolosaldean.
Azken hamabost eguneko intzidentzia tasari dagokionez, Tolosak (1.084) eta Amasa-Villabonak (1.015) gorriz jarraitzen dute. Osasun eremuei dagokienez, berriz, Tolosaldeko ESIa (1.045) kolore gorrian dago, eta Alegia, Ibarra, Tolosa eta Amasa-Villabonako eremuek ere gorriz jarraitzen dute.
Ospitaleen egoerari dagokionez, COVIDaren ondorioz 73 pertsona ospitaleratu ziren atzo, 460 pertsona daude orotara EAEko ospitaleetan, eta 106 pertsona daude ZIUn.