Tolosan 21 positibo egon dira azken orduetan, eta Villabona da kutsatu gehien dituen hurrengo herria, bost baititu. Ibarrak 4 ditu, Berastegi, Irura eta Zizurkilek hiruna, bina Anoeta, Ikaztegieta eta Leaburuk, eta bana Alegia, Altzo, Asteasu, Bidania-Goiatz, Elduain, Gaztelu, Hernialde eta Lizartzak.
Osasun sailaren txostenaren arabera, azken orduetan COVID-19a atzemateko 15.509 test egin dituzte, eta horietatik %7,5 izan dira positibo, 1.164 alegia, horietatik 511 dira gipuzkoarrak.
Tolosaldeko ESI-an 64 positibo eman ziren atzo –Andoain ere sartzen da eremuan, eta herri horretan 10 positibo eman dira azken orduetan–, eta beraz, gorriz jarraitzen du. Ondorioz, Alegia, Ibarra, Tolosa eta Villabonako osasun eremuak ere gorriz jarraitzen dute, eta kezka iturri dira.