Osasun sailak emandako datuen arabera, 14.144 proba egin ziren atzo, eta, horietatik 1.207 (%8,5) positiboak izan ziren. Gipuzkoaren kasuan, 545 pertsonak eman dute positibo, tartean, 47 Tolosaldekoak. Tolosan 22, Asteasun 5, Amasa-Villabona 3, Alegian, Amezketan, Anoetan, Ibarran eta Zizurkilen bina eta Adunan, Albizturren, Berastegin, Bidania-Goiatzen, Hernialden, Ikaztegietan eta Iruran bana atzeman ditute.
Tolosak gorri kolorearekin jarraitzen du, azken hamabost egunetan pilatutako 100.000 biztanleko intzidentzia tasa, 882koa izanik. Laranja kolorez Amasa-Villabona ageri da, 457ko tasarekin.
Osasun eremuei begira, Tolosaldea gorriz dago, 733ko tasarekin, eta Alegia (1.260), Ibarra (535), Tolosa (775) eta Villabona (683) ere gorriz ageri dira.
Ospitaleen egoerari dagokionez, COVID-19aren ondorioz 57 pertsona ospitaleratu ziren atzo, orotara 339 pertsona daude EAEko ospitaletan, eta 69 pertsona ZIUn daude.
Ikastetxeei dagokienez, ez dago aurrez aurreko jarduera etenda duen ikastetxerik Araba, Bizkaia eta Gipuzkoan, eta 103 ikasgela daude itxita, 75 ikastetxetan.