Koronabirusa

26 positibo berri

Tolosaldeko Ataria 2020ko urr. 15a, 12:48

Positibo tasa handia pilatzen ari da eremu batzuetan, eta gaurko txostenetan eremu batzuen egoeraz ohartarazi dute. Gipuzkoako eskualde batzuetan joera kezkagarria dute egunotan eta tartean dira Tolosa eta Alegiako osasun eremuak.

Osasun sailak emandako datuen arabera, 10.890 PCR proba egin ziren atzo, eta horietatik 679 positiboak izan ziren. Gipuzkoan, 303 positibo atzeman zituzten, eta Tolosaldean 26. Tolosan 12, Anoetan 4, Iruran 3, Amezketan, Ibarran eta Amasa-Villabonan bina eta Zizurkilen positibo bat atzeman dituzte azken 24 orduetan.

Positibo tasa handia pilatzen ari da eremu batzuetan, eta gaurko txostenetan eremu batzuen egoeraz ohartarazi dute. Gipuzkoako eskualde batzuetan joera kezkagarria dute egunotan eta Osakidetzaren txostenean gorriz seinalatuta ageri dira honako osasun eremu hauek: Tolosa, Alegia, Azkoitia, Azpeitia, Beasain eta Ordizia.

Ospitaleen egoerari dagokionez, COVID-19aren ondorioz 35 pertsona ospitaleratu ziren atzo, eta 51 pertsona daude ZIUn.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!