Osasun sailak emandako datuen arabera, ostiralean 10.261 PCR proba egin ziren, eta horietatik, 584 (%5,7) izan ziren positiboak, 236 Gipuzkoan, eta 33 Tolosaldean. Larunbatean, 9.939 PCR proba egin zituzten, eta 584 (%5,9) izan ziren positiboak, 255 Gipuzkoan, eta 31 Tolosaldean. Igandean, 6.870 PCR egin zituzten, 363 (%5,3) izan ziren positiboak, 150 Gipuzkoan, eta 17 Tolosaldean. Atzo, 6.763 proba egin zituzten, eta, horietatik, 529 (%7,8) positiboak izan ziren, 224 Gipuzkoan, eta 8 Tolosaldean.
Tolosaldeko 16 herritan atzeman dituzte positiboak azken egunetan. Adunan, Abaltzisketan, Alkizan, Asteasun, Berastegin, Bidania-Goiatzen, Ikaztegietan eta Zizurkilen bana, Berrobin eta Iruran bina, Alegian lau, Amezketan eta Amasa-Villabonan bosna, Anoetan eta Ibarran hamarna eta Tolosan 43.
Ospitaleetako egoerari dagokionez, 16 pertsona ospitaleratu ziren atzo, eta COVID-19a duten 52 pertsona daude ZIUn.