Tolosa CF Atletismoko hiru ordezkari joan dira eta hiru dominekin itzuli dira. Okomo tolosarrak pisu jaurtiketan lortu du urrezko domina, 13,49 metroko markarekin Euskadiko errekorra eginaz.
Uranga anoetarrak bi domina lortu ditu. Horietako bat 200 metroetan, zilarrezkoa, 21,54 denborarekin, bere marka pertsonala eginez eta baita Tolosa CF-ko errekorra. Horrez gain, Real Sociedad taldearekin 4x100 metro proban parte hartu du urrea lortuz.
Bere aldetik, Larrauri irurarrak, kategorian bere lehen urtea izanik, 22,08ko denborarekin bosgarren postua lortu du 200 metroetan. Klubetik azaldu dutenez, atletek lortutako emaitzak "paregabeak" izan dira.