Tolosan 8, Leaburu-Txaraman 2 eta Alegian, Amezketan, Bidania-Goiatzen eta Amasa-Villabonan positibo bana zenbatu dituzte.
Osasun Sailak azaldu duenez, 10.825 PCR proba egin zituzten atzo, eta horietatik, 518 positiboak izan ziren. Gipuzkoan 182 atzeman zituzten, eta horietatik 14 izan ziren Tolosaldekoak. Ospitaleen egoerari dagokionez, COVID-19aren ondorioz, 43 pertsona ospitaleratu zituzten atzo, orotara 278 daude ospitaletan, eta 52 pertsona ZIUn daude.
Ikastetxeei dagokienez, 265 ikasgela daude itxita EAEko 198 ikastetxetan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!