Orain arte bezala, Miren Dobaran izango da Hizkuntza Politikarako sailburuordea. Zuzendariak ere orain artekoak izango dira, eta honenbestez, HABEko buru jarraituko du Jokin Azkue Arrastoak (Asteasu, 1961). Estibalitz Alkortak Euskara Sustatzeko zuzendari gisa jarraituko du; Joseba Lozanok, Herri Administrazioetan Hizkuntza Normalizatzeko zuzendari; Eta Josune Zabalak, Ikerketa eta Koordinazio zuzendari.
Azkue 1996 eta 2005 urteen artean ere izan zen HABEko zuzendari. Tolosako Udaleko zinegotzi (2003-2014) eta alkateordea (2008-2011) izan da; Hizkuntza normalkuntzarako teknikaria Eusko Jaurlaritzan (2011-2013) eta Euskara Sustatzeko zuzendaria (2013-2016). 2017ko urtarriletik da HABEko zuzendaria.