Eusko Jaurlaritzako Osasun Sailak PCR probetan positibo emandakoen asteburuko herriz herriko datuak eman ditu eta horien arabera, asteburuan 58 pertsona izan dira positibo eman dutenak.
Ostiralean 20 izan ziren positibo: Villabonan 4; Ibarran, Berastegin eta Ikaztegietan hiruna; Anoeta eta Iruran bina; eta Alegia, Tolosa eta Zizurkilen bana. Larunbatean 23 izan ziren: Altzo, Belauntza eta Leaburun bana, Ibarra eta Villabonan bina, Berrobin 4, eta Ikaztegieta eta Tolosan seina. Kopuruak behera egin zuen atzo eta 15 izan ziren positiboak. Horietatik gehienak Tolosan izan ziren, 6 guztira, eta atzetik izan zuen Ikaztegieta 4 positiborekin. Abaltzisketa, Anoeta, Berastegi, Ibarra eta Villabonan bana izan zituzten atzo.
Larunbatean 9.814 test egin zituzten EAEn, eta horietatik 745 izan ziren positibo; igandean 7.206 egin ziren eta positiboak 608 izan ziren; eta gaur 6.190 test egin dituzte eta 513 izan dira positiboak. Gipuzkoari dagokionez, larunbatean 218 positibo egon ziren, igandean 184 eta gaur 162.