Gora egin du nabarmen Covid-19an positibo eman dutenen kopuruak eskualdean azken 24 orduetan, izan ere, Eusko Jaurlaritzak emandako datuen arabera, atzo egindako probetan 17 herritarrek eman zuten positibo.
Orotara, 9.841 proba egin zituzten EAEn atzo, eta horietatik, 705 positiboak izan ziren. Gipuzkoaren kasuan, 217 izan ziren positibo eman zutenak.
Covid-19aren ondorioz 47 pertsona ospitaleratu zituzten atzo, eta 48 pertsona daude une honetan ZIUn.