Osasun saileko datuen arabera, Tolosaldean, hamazazpi herritarrek eman zuten positibo atzo PCR proban. Eskualdeko bederatzi herritan izan dira kasuak, zehazki: 2 Adunan; 1 Alegian; 1 Anoetan; 2 Asteasun; 4 Ibarran; 1 Iruran; 3 Tolosan; 1 Billabonan eta 2 Zizurkilen. Eskualdeari dagokionez, azken egunetako kopuru handiena da atzokoa.
Euskal Autonomia Erkidegoko egoerari begiratuta, guztira 8.355 PCR egin zituzten atzo eta, horietatik, 700 izan ziren koronabirusean positibo eman zutenak. Kasu horietako 96 Araban atzeman zituzten; 363 Bizkaian eta 215 Gipuzkoan. Horiez gain, beste 26 positibo ere atzeman dituzte.
Ospitaleetako egoeraren inguruan, atzo, 30 pertsona ospitaleratu behar izan zituzten, eta 30 pertsona daude ZIUn sartuta. Guztira, 197 dira egun ospitaleratuta daudenak (atzo baino zortzi gutxiago).