Aurten ez da Aiztondo Klasikarik izango

Aitor Arroyo Askarai 2020ko abu. 26a, 11:30
Deskargatu Info Ahotsak :

Txirrindulariak, joan den urteko Aiztondo Klasikako une batean.

Urriaren 10ean jokatzekoa zen txirrindulari lasterketa. Antolatzaileek, ordea, bertan behera uztea erabaki dute; Covid-19ak eragindako testuingurua izan da arrazoia. 

Aiztondo Klasika - Patxi Alkorta Memoriala lasterketa bertan behera geratuko dela jakinarazi dute probaren antolatzaileek. Azaldu dutenez, gaur egungo testuinguruan hartu beharreko segurtasun neurriek "gain hartu" diete eta proba egitea "arriskutsuegia" izango litzatekeela uste dute: "Ezinezkoa zaigu txirrindularien, antolatzaileen eta zaleen segurtasuna bermatzeko azpiegiturari aurre egitea; baldintza horietan, proba egitea arriskutsuegia dela iritzita, ez antolatzea erabaki dugu". 

Halaber, 2021an lehiaketa antolatzeko asmoa duela ere aipatu du antolakuntza batzordeak. 

 

Egin klik Aiztondo Klasika Batzordeak argitaratu duen oharra ikusteko.

 

kirola

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!