Osasun Sailak argitaratutako datuek diotenez, eskualdeko sei pertsonak koronabirusean positibo eman zuten atzo PCR proba egin ostean. Kasu berri horietako bi Tolosan atzeman dituzte, eta gainerakoak, bana izan dira Asteasun, Ibarran, Ikaztegietan eta Iruran.
EAEko egoerari begiratuta, guztira, 5.669 PCR proba egin zituzten atzo. Horietatik, 477 izan dira positibo eman dutenak. Kasu berrietako 55 Araban atzeman dituzte, 271 Bizkaian eta 132 Gipuzkoan. Bestelako 19 kasu ere izan dira.
Ospitaleei dagokienez, atzo 26 pertsona ospitaleratu zituzten eta 29 pertsona daude ZIUn sartuta. Egun, orotara, 205 pertsona daude ospitaleratuta.