Eusko Jaurlaritzako azken datuen arabera eskualdean lau kasu berri daude. Ibarra, Tolosa, Amasa-Villabona eta Zizurkilgo herritarrak dira; herri bakoitzean kasu berri bat agertu da.
Atzo, 7.928 PCR proba egin ziren, eta horietatik 510 dira positibo eman dutenak. Lurraldeen arabera, berriz, 51 izan dira Gipuzkoan; 86 Araban eta 316 Bizkaian. Aldiz, 27 dira kanpoan bizi diren pertsonetan eman diren positiboak.
COVID-19aren ondorioz, atzo, 30 pertsona ospitaleratu behar izan zituzten, eta 19 pertsona daude ZIUn sartuta.
Bukatzeko, abuztuaren 10etik 16ra bildutako datuen arabera, Eusko Jaurlaritzak datuak aztertu ondoren, COVID-19a dela eta hiru hildako egon direla argitu du.