Eusko Jaurlaritzako Osasun sailak argitaratu dituen datuen arabera, eskualdean, hiru pertsonek eman dute positibo PCR proban asteburuko egunetan. Larunbatean, guztira, 8.238 proba egin ziren EAEn eta, horietatik, 573 eman zuten positibo.
Tolosaldeko kasu guztiak igandean atzeman zituzten. Egun horretan, orotara, 7.725 PCR egin ziren Euskal Autonomia Erkidegoan eta 610 izan ziren positibo eman zutenak.
Gaur, berriz, momentuz 364 kasu berri atzeman dituzte. Horietatik 65 Araban, 204 Bizkaian eta 80 Gipuzkoan. EAEtik kanpo 15 topatu dituzte. Guztira, 5.625 proba egin dituzte.
Egun, guztira, 167 pertsona daude ospitaleratuta.