Eusko Jaurlaritzako Osasun Sailak argitaratu duen txostenaren arabera, zazpi koronabirus kasu berri atzeman zituzten, atzo, eskualdean. Kasu horietako hiru Tolosan izan ziren, bi Villabonan eta bana Iruran eta Bidania-Goiatzen.
Bart gaueko hamabiak arteko datuak jasotzen ditu txostenak, eta informazioaren arabera, 6.617 PCR proba burutu ziren atzo, guztira, EAEn. Horietatik, 510 pertsonak positibo eman zuten. Araban 112 kasu atzeman zituzten, Bizkaian 292, eta Gipuzkoan 92. EAEtik kanpo 14 kasu atzeman zituzten.
Ospitaleen egoerari dagokionez, Covid-19aren ondorioz 38 pertsona ospitaleratu zituzten atzo, eta 13 pertsona daude ZIUn sartuta.