Eusko Jaurlaritzako Osasun Sailak asteburua eta gero jakitera eman ditu herriz herriko datuak. Pasa den ostiralean kaleratu zuen azken txostena, eta gaur, orduz geroztik herriz herri zenbatutako kasuak kaleratu dituzte. Zortzi kasu zenbatu dira eskualdean: Bidania-Goiatzen 2; Lizartzan 1; Orexan 1; Tolosan 2; Amasa-Villabonan 1 eta Zizurkilen 1.
EAEko datuen arabera, Gipuzkoan, ostiralean 55 positibo; larunbatean 47, eta atzo, 75 kasu berri izan ziren. Ostiralean 5.667 PCR proba egin zituzten, eta 390ek eman zuten positibo. Larunbatean, 6.577 probetatik, 342 pertsonek eman zuten positibo eta igandean, 4.669 PCR proba egin zituzten, eta 353 izan dira koronabirusean positibo eman dutenak. Positiboen gehiengoa Bizkaian dago.
Atzo, EAEko datuen arabera, ZIUn lau pertsona sartu zituzten, eta 12 izan ziren ospitaleratuak. Guztira, ordea, 90 pertsona daude ospitaleratuta.