Gure Txokoa

'Gure Txokoa' ekimena

TOLOSALDEKO ATARIA-k sortu duen ekimena da hau, kulturari eta kulturgileei bultzada emateko sortutakoa.

Osasun krisiak gogor jo du eta oraindik ere asko falta da suspertzeko. Aurtengo uda berezia izango da oso, eta berezitasun hori, halabeharrez, kulturgileek jasango dute gehien. Herri eta auzoetako festarik ez da egingo eta hortaz, kultur ekitaldiak nabarmen jaitsiko dira. Beraientzat garai oso zailak datoz eta hori kontuan izanik, plazaratzeko beste modu bat ematea erabaki dugu TOLOSALDEKO ATARIA-n.

Hori da GURE TXOKOA ekimena, kulturari eta kulturgileei bultzada emateko sortutako ekimena. Eskualdeko kulturgileen tartea izango da eta abuztuan bideo ezberdinak zabalduko ditugu, 10:00etan, ataria.eus-en eta bere sare sozialetan.

Beraien abestiak, bideoklipak, bertsoak eta abarrek lekua izango dute gure txoko honetan. Herri eta auzoetan izango ez dugun hori gurean izatea da asmoa eta abuztuan ere kutlturaz gozatzeko leiho bat izatea.

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!