Eraikin modularrak etxebizitzak, umeei zuzendutako jolaslekuak, bungalow-ak, jacuzzi edota saunak, komunak eta abar eraikitzeko bogan dagoen tekniketako bat da. Azkar muntatzen dira eta bezeroaren nahien arabera moldatu daitezke. Garapen iraunkorrean sinesten du eta beraz, modu jasangarrian ekoitzitako egurrak erabiltzen ditu. Eta horrez gain, irabazien zati bat gobernuz kanpoko erakundeetara bideratu ohi izaten du.
Angel Guisasolak esperientzia zabala du eraikin modularren munduan eta preziorik konpetitiboenak eskaintzen ditu. Momentu honetan hainbat proiektu ditu abian, horietako bat eskualdean bertan, Amasako Hika txakolindegian. Mutrikuko Galdona kanpinean ari da ere. Interesa pizten ari da Guisasola eta horren adierazle da Facebook-en lortutakoa; hilabetean 10.000 lagunek partekatu dute bere proiektua mundu osoan.
Etxebizitzak
Orain arteko esperientzia beste salto bat emateko baliatu nahi du Guisasolak eta etxebizitza modularrak eskaintzen hasiko da.
Hauek ere muntatzeko errazak dira eta merke eskuratu ahal izango dira. Etxebizitza pasiboak bezala dira ezagunak eta eraikitzerakoan klima, orientazioa eta energia modu eraginkorrean erabiltzeko gaitasuna hartzen dira kontuan.
- Webgunea: www.angelguisasola.com
- Telefono zenbakia: 609 43 43 77
- Emaila: angelguisasola@angelguisasola.com
- Facebook: Angel.guisasola