Euskal Autonomia Erkidegoko epaitegi gorenak gaur jakinaraziko die bi aldeei erabakia. Eusko Jaurlaritzak musukoaren erabilera derrigorrezkoa izatea agindu zuenean, ACUS elkarteak erabakiaren aurka salaketa jarri zuen epaitegian. Bertan, derrigorrezkotasuna behin behinean bertan behera uztea eskatzen dute.
ACUS elkarteak salaketarekin jakin nahi duena da Eusko Jaurlaritzaren erabakia Espainiako gobernuaren dekretuaren gainetik dagoen edo ez. Espainiako gobernuaren dekretuak musukoaren erabilera garraio zerbitzuetara eta metro eta erdiko tartea ez dagoen eramuetara mugatzen du.
Euskal Autonomia Erkidegoan bezala, Katalunian eta Andaluzian salaketak jarri ditu erabakiaren aurka. ACUS-en esanetan ez dago osasun arrazoirik erabaki hori justifikatzeko.
Atzo, astelehena, Bilboko epaitegiaren aurrean elkarretaratzea egin zuten 20 lagunek, batzuk musukorik gabe. Ertzaintzak bi kide idenfikatu zituen.