Eusko Jaurlaritzak atzo 00:00ak arteko datuak eman ditu. Gipuzkoan 31 positibo egon dira, atzo baino 10 gutxiago; horietatik 7, Tolosaldean. Atzokoa izan zen azken egunetako igoerarik handiena lurraldean, baita eskualdean ere, baina gaur Osasun Sailak eman dituen datuei erreparatuta, ez da igoerarik izan. Bizkaian 20 positibo egon dira azken orduetan, eta Araban 5.
Tolosako Udalak, eguerdiko 13:30ean egingo du prentsaurrekoa udaletxean. Bertan, datu gehiagoren berri emango dute. Gainera, herrian ezarriko dituzten neurri bereziak ere azalduko dituzte.