Horrez gain, osasun krisiaren egoera dela medio, MicroBankek finantzaketa-lerro berri bat jarri du martxan autonomoentzat eta mikroenpresentzat. Covid-19ak eragindako likidezia faltari erantzutea da asmoa, Europako Inbertsio Funtsaren laguntzarekin.
Onuradunak hamar langile baino gutxiago dituzten eta urtean bi milioi eurotik beherako fakturazioa duten autonomoak eta mikroenpresak izango dira. Gehienez 25.000 euroko mikrokredituak jasotzeko aukera izango dute. Proiektuek enpresa-plan bat eta aldeko bideragarritasun-txostena izan beharko dute eskura.
Tolosaldea Garatzenek finantzaketa-beharrak antzemateko konpromisoa azaldu du hitzarmenean. Autoenplegua sustatzeko, autonomoen negozioak eta enpresa txikiak MicroBankera zuzenduko ditu; azken horrek finantzaketa-eskaerak aztertu eta, hala badagokio, onar ditzan.