Zumarragako Ospitalean elkartuko dira "egoera eta bilakaera aztertzeko". Ordizia, Beasain, Lazkao, Idiazabal, Legorreta, Itsasondo eta Tolosa daude gonbidatuak. Osakidetza, Segurtasun eta Osasun saila ere bertan izango dira. Atzo, Tolosan COVID-19arekin bi positibo egon zirela zabaldu zuten.
Ordiziako fokua aztertzeko Jarraipen Batzordea gaur 09:00etan da elkartzekoa. Zumarragako Ospitalean egingo dute batzarra. Goierriko hainbat udalez gain Tolosakoa gonbidatu dute bertara Osakidetzatik eta Segurtasun eta Osasun sailetik.
48 dira Ordiziako fokuaren ondorioz positibo eman duten pertsonak, beti ere, datu ofizialen arabera. Horietatik erdia baino gehiago ordiziarrak direla esan zuen atzo Nekane Murga Osasun Sailburuak. Datu hori ematerakoan, 400 proben emaitzak falta ziren.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!