Pasa den maiatzean, Gure Zirkuko sortzaileetako bat den Iker Galarza aktoreak tristura sentitzen zuen. Euskal Herriko 14 herritan ehunka saio eskaintzea aurreikusita zuten. Ezohiko egoerak, ordea, atzera bota zituen plan guztiak. Soluzio bila zebiltzan, euskal herritarrek aurten ere zirkoaz goza zezaten.
Bada, orain argia ikusi dute iluntasunaren amaieran. Diotenez, "indar biziz eta ilusioz beterik" ekingo diote, Orion, euren proiektuaren denboraldi berriari. "Denon segurtasunerako, Portugaldik ekarri dugun karpa handiago batekin gatoz".
