Eskualdeko hiru pilotari Masters Caixabank txapelketa jokatzen hasi ziren joan den astean. Lehen jaialdia Eibarren antolatu zuten, baina atzeratu beharrean izan ziren pilotalekuaren egoeragatik. Ezkurdia-Arangurenen eta Altuna-Imazen artekoa, beraz, airean geratu da.
Ostiralean, bai, pilotariek 22ra iristeko aukera izan zuten. Jaka-Albisu izan ziren sari hori lortu zutenak, Elezkano II.a eta Aretxabaleta 17an utziz. Hurrengo egunean, Bilbon, Artola-Rezustak bikote indartsua osatzen dutela erakutsi zuten, Urrutikoetxea-Irribarriaren aurka, 22-14 irabazita.
Lehen jardunaldia asteazkenean osatuko da. Irunen, Olaizola II.ak eta Zabaletak, Bengoetxea VI-Martija izango dizute aurkari. Jaialdi honetan, Tolosa anoetarrak lehen partida jokatuko du, Zabala aurrean duela, Agirre-Eskirozen aurka.
Bigarren jardunaldiko partidak eta pilotalekuak erabakita
Uztailaren 4an eta 5ean jokatuko dira bigarren jardunaldiko lau partidak. Larunbatean, Iruñako Labriten, Elezkano II-Aretxabaleta izango dituzte aurkari Jokin Altunak eta Ander Imazek.
Egun berean, Zaldibarren, Urrutikoetxea-Irribarria eta Bengoetxea VI-Martija ikusteko aukera egongo da.
Igandean, Aginagan, Jaka eta Albisu ariko dira, Ezkurdia-Arangurenen aurka. Azkenik, Iñaki Artolak Labriten jokatuko du igandean, Rezusta lagun duela, Olaziola II-Zabaletaren aurka.