Esku pilota ekainaren 24an itzuliko da. Eibarko Astelena pilotalekuan iragarri dute jaialdia, eta dagoeneko sarrerak salgai daude. Enpresek bihar aurkeztuko dute udako jaialdi berria, eta dirudienez, Eibarkoa lehen jardunaldia izango da. Aspek iragarri duenez, elkarren aurka ariko diren aurrelariak Jokin Altuna eta Joseba Ezkurdia izango dira. Atzelariak zehaztea falta da. Estelarra jaialdiko bigarren partida izango da. Lehenengoan Peña II-Bikuñak eta Salaberria-Mariezkurrena II.aren aurka jokatuko dute. "Normaltasun berria"-ren barruko lehen jaialdia Alberdi-Erasun eta Egiguren V-Untoriaren arteko lehiak itxiko du.
Eibarko jaialdia 17:00etan hasiko da eta EITB-ko kamerak bertan izango dira.
Aste honetako beste jaialdiak
Baikok jakitera eman duenez, ostiralean, Zeanurin jokatuko dira hurrengo partidak. Hilaren 27an Bilboko Bizkaia Frontoian antolatu dute jaialdia eta uztailaren 1ean Irunen.