Lehenengoz XII. mendean agertu zen Amasa dokumentuetan. Villabona, berriz, beranduago sortu zen, eta hainbat urtetan Amasako auzo izan omen zen. Amasarrek, Gaztelako bideak nahiz Donejakuerako erromesen ibilbideek erakarrita erabakitzen zuten Villabonara jaistea, eta hain zuzen ere, antzinako erromesen bide haietatik barrena burutu beharko da, Villabonatik Tolosarainoko ibilbidea.
TREN GELTOKITIK
Villabonako tren geltokitik jaitsi eta Oria gainetik zeharkatzen duen zubitik, Errebote plazara iritsiko da ibiltaria. Egungo pilota jokorik zaharrenetakoa dena Ipar Euskal Herrian sustraituagoa den arren, Hego Euskal Herrian, Donostiako Zubieta auzokoa eta Oiartzungoa dira bakarrak, Villabonakoarekin batera.
Udaletxea ere bertan dago gaur egun. Errebote plazatik Berdura plazak zubi lanak egingo ditu, Jesusen Bihotza elizara iristeko. Hain zuzen ere, parean hartu beharko du ibiltariak, kiroldegi atzetik, Donejakue bidea.
Erromesen bidexkak, egungo trenbideari jarraitzen dio gertu-gertutik, eta inguruko nekazarien soro eta belazeak lagun izango ditu bisitariak.
ATSEDEN HARTZEKO AUKERA
Anoetara iritsi eta plaza eta eliza bisitatu ondoren, Donejakue bidea jarraitu beharko da herri sarreran, Tolosara ibai ertzetik iritsi arte. Bertan, Berdura plazako eserlekuetan atseden hartu ahal izango du ibiltariak, erdiguneko geltokian trena hartu aurretik.
