Sentsibilitate bereko jende asko batu gaitu egoera honek». Halaxe adierazi dute Zutani elkarteko kideek azken asteotan janari banaketarako elkartu den lagun kopurua ikusita. Bestelako ekintzak ere egiten dituzte beraienean, baina osasun larrialdiaren ondorioek indarrak hor jartzera eraman dituzte batez ere.
Orokorra izan da. Boluntarioz osatutako herritar sareak ugaldu dira han eta hemen. Hurkoa laguntzeko sena loratu du aurtengo udaberriak; baina lehenagotik sustraiak botata ditu altruismoak. Orain bistakoagoa egin den arren, urte osoan dago zer egina.
Hain justu, martxoan idaztekoak ziren lerrook, baina osasun larrialdiaren ondorioz solaskideekin ezin elkartuta, maiatzean izkiriatu behar izan dira. Bi hilabeteotan boluntario taldeok ere izan dute eraginik beren egitekoetan.
Beren alea jarrita, gizarteari ekarpena egiten diote orrialdeotan elkartutako protagonistek: Amasa-Villabonako Aniztasunean Lagun, Irurako babes zibileko taldea, DYAko boluntarioak eta Tolosako Zutani elkarteko kideak izan dira solaskide honako erreportajean.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!